Гарадзішча культуры штрыхаванай керамікі і эпохі ранняга феадалізму каля г.п. Гарадзішча Баранавіцкага раёна. За 800 м на захад ад пасёлка, на правым беразе р. Сэрвач, ва ўрочышчы Гарадок. Авальная пляцоўка памерам 28х50 м арыентавана з поўдня на поўнач. Уезд з паўночнага боку. Найбольш стромкія схілы з усходняга боку. З боку поля роў шырынёю 6-7 м і глыбінёю 1,3-1,7 м. Даўжыня ўмацаванага ўчастка каля 200 м, шырыня 130 м. Вядома з 19 ст., абследавалі У.С.Астапаў, П.А.Рапапорт, Ф.Д.Гурэвіч, А.Р.Мітрафанаў, Л.Д.Побаль, М.М.Чарняўскі, Т.С.Бубенька, даследаваў у 1987-88 А.М.Мядзведзеў. Культурны пласт да 0,6 м. Знойдзены некалькі неапрацаваных крамянёвых адшчэпаў і ножападобных пласцінак, гладкасценная і штрыхаваная кераміка, бронзавыя ўпрыгожанні, жалезныя прылады працы, шлакі. Гарадзішча было заселена ў раннім жалезным веку і ў эпоху феадалізму.
М.М.Чарняўскі.
Категория: Край | Добавил: Vlad (22.07.2008)
| Автор: Владислав
Просмотров: 2927
| Теги:
| Рейтинг: 0.0/0
Всего комментариев: 0
Добавлять комментарии могут только зарегистрированные пользователи. [ Регистрация | Вход ]
Главная 
